الحنين

بقلم محمد عباس
( ديوان سكة سفر )

لما كنا صغار بنحب
كان بيجمعنا الحنين
احلي ام واجمل اب
كنا اقوى م السنين

كان حقيقي بنا الود
مهما طال الجفي والبعد
فرحة حلوة يعود الود
بسمة فى القلب وع الخد

النهاردة الحال اتغير
والطريق للحب قصير
والحياة صبحت مش هي
والنفوس مليانة قسية

والصفي سلعة ومفقودة
من سنين قصة ومعهودة
زهرة حلوة تكون مولودة
لكن خسارة مش موجودة

الضمير اصبح فى اجازة
والقلوب كده من غير عازه
والوعود تخلف بمزأزة
والعيون واعرة وغمازة

كل يوم بنودع بعض
فجاة وبدون اى وعد
لماكنا نخاف على بعض
بالسلامة يا قدم السعد

عشت جوا حياتي امير
احلي اب واحلي سمير
كانت امي معاك فرحانة
احلي ملكة وروح سهرانة

مهما غبت والله بدعيلك
يكون جزاءك الجنة واجيلك
فاكر زمان لما بناديلك
كنت تيجي معاك منديلك

بقلم محمد عباس
الاسماعيلية مصر
من ديوان سكة سفر ٤يوليو ٢٠٢١