زي ماأنت
بقلم الكاتب: محمد عباس_ الاسماعيليه
زي ما انت
هتفضل انت
والزمان ما غيرك
اصلك انت هو انت
قل لي مين هيحيرك
لما تتعشم وتطلب
قل لي مين هيقدرك
لما تتبسم وتنظر
غيري مين هيسهرك
مين يحبك رغم خوفك
مين هيسكن جوا روحك
احكي واوصف من ملامحي
عارفة كلي من جوارحي
قول دي بيضة والا قمحي
قول دي سمرة وكل فرحي
واكلة عيشي ويا ملحي
لما تلقي عيوب بتمحي
لما اكون غضبان تسامحي
كل شيء في حياتنا شركة
والجمال في الروح ده تركة
جنب منك بنسي نفسي
بلقي روحي وكل فرحي
حتي قبل ماابوح مباركه
شوفت كل معاني فارقه
نور اضاء الليل بطوله
بدر مشرق في ظهوره
هي دي ملكة زماني
قلب نابض في حناني
عمري كله فات اماني
يوم بنفرح يوم نعاني
ينا حاقد كان اناني
ضيع الحلم في بناني
لو هلف الكون وادور
هلقي حاسد خد مكاني
والا ساحر غدره باين
بكرة يندم انه جاني
جوا فيلا اوجنينه
وسط حارة م الحارات
ربي هيعوضني غيره
وانسي كل الذكريات
تبقي شمسي وكل ضلي
وابقي زاهد في السكات
ازرع الحب في نواصي
القي كل مافاتني فات
والقي جنبي
شريك مثالي
قلب خالي من الاهات
فكر زاهد في العلالي
يبني قلعه من الفتات
فك لغز قديم في حالي
بعد حياتي سنين ثبات
في خيالي قلب نابض
اما غيره صار رفات
والحقيقة في كل مرة
كله صفحات جوا شات.
زي ماأنت بقلم الكاتب: محمد عباس_ الاسماعيليه
