رمضان ف الجريدات
بدرى ابوخزيم
يوم دراسة القمحوبصوت عال يشق السكون
وبعد السحور على طووول
يقوول
الدراسه من غربه هتخلص وتجيلك على طوووول
كنا على استعداد وبالشكاير بالزياده
وفرشه تحت الهزازه عشان لما تيجى الدراسه يبقي فيه شكاير كتير وبزياده
وعلى ضوء القمر 🌜 وقد انتصف
شهر رمضان جلسنا على جرن القمح
ومعنا اثنان من عتاولة الشيل والتلقيم
والناموس يداعبنا بالحانه الرنانه الزنانه ولدغاته
وترمس الشاى وريم كباية الشاى
وصوت احدهم ف رشف كوبايه الشاى بيجيب اخر الخندق
ومرت ساعات ثقال ونحن ف انتظار الدراسه واذا بنور من بعيد يشق ظلام الليل
واذ بصوت من بعيد
يقول عايزين نعدى عايزين طريق
سواينا البطاطيل والفحيره
وعدى المحرات والدراسه من خلفه
تتحرك ف خجل واذ بالجيران واقفون معانا مساعدون
شد السير كويس ياريس وجهزوا الشكاير
خلى وشها امقبل
كانوا بيلقموا الدراسه بحزم القمح
التبن ف ناحيه والقمح يتعبا ف الشكاير
ايام خير وبشاير وسعاده وروح المحبه والتعاون كانت سائده
كل سنه وانتم طيبين ويجعل كل ايامكم خير
رمضان كريم.
