فاطمة فتوح
أمرت النيابة العامة إحالة المتهمين الثلاثة الطبيب أحمد شحته، والمحامية إيمان وثالث، بتهمة قتل طبيب الساحل الدكتور أسامة صبور عمدًا، لسرقة مبالغ مالية بحوزته، بعد دفنه حيًا داخل حفرة بعيادة المتهم الأول.
وصلت “مصر 2030” إلى أقوال المتهمة في قضية مقتل أسامة صبور طبيب الساحل، في نص تحقيقات قضية طبيب الساحل، وحوت الأوراق على اعترافات المحامية إيمان إحدى المتهمين.
وجاءت أقوالها أمام جهات التحقيق كالآتي: “أنا من مواليد شبين القناطر، وأنا شغالة محامية واتعرفت على المتهم أحمد شحته سنة 2014 لما كنت طالبة في كلية الحقوق في سنة تانية، عشان وقتها كنت شغالة موظفة استقبال في معمل التقوى والإيمان في الجعافرة، وفي نفس المكان ده كان شغال الدكتور أحمد شحتخ طبيب طوارئ، وفي الوقت ده حسينا ناحية بعض بالقبول، وابتدينا نقرب من بعض أكتر لغاية ما ارتبطنا، وفضلنا على الوضع ده لغاية سنة 2017، على أساس إني لما أتخرج يتجوزني لأنه واعدني من ساعة ما ارتبطنا إننا نتجوز، لأنه كان بيتحجج أنه في بداية حياته، وبيكون نفسه”.
وأوضحت المحامية المتهمة في قضية طبيب الساحل في التحقيقات: “وفي آخر سنة 2017 كان أحمد شحته شغال في حضانات في شبرا الخيمة في الشارع الجديد، وقالي تعالي عشان نتقابل فيها، وأول لما روحت له، قالي احنا عاوزين نتجوز قدام ربنا، يعني زي العرفي فأنا وقتها قولت له مش فاهمة قصدك، لكنه قالي طالما بنحب بعض مفيش حاجة تمنعنا عن بعض، فطاوعته، وقالي إنتي مراتي قدام ربنا، وبقيت متعودة أروح له العيادة، ويعمل معايا علاقة جنسية كاملة، واستمرينا على الوضع ده سنين”.
