أثارت الفنانة جوري بكر الجدل على مواقع التواصل الاجتماعي بعد توجيهها انتقادات صريحة لتصرفات بعض الشباب في الساحل الشمالي، لا سيما ما وصفته بالمبالغة في استخدام اللغة الإنجليزية أثناء التعامل مع العمالة البسيطة في المقاهي والمطاعم.
وقالت جوري في مقطع فيديو نشرته عبر خاصية “الستوري” على حسابها الرسمي بـ إنستجرام: “وأنا بكلم ابني، واحدة بتقولي ليه مش بتكلميه إنجليزي؟ أنتِ مالك؟ دي تربية ابني! والأهم من كده، ليه لما بنروح الساحل بنتكلم إنجليزي؟ ليه مش بنسهل على بعض؟”
جوري بكر توجه رسالة توعية للشباب في الساحل
أشارت جوري إلى أنها كانت في السابق ممن يتحدثون الإنجليزية بشكل مبالغ فيه، لكنها غيّرت أسلوبها بعد نصيحة من صديقتها المقربة، التي قالت لها: “لو عايزة توصلي وتشتغلي في البلد دي، اتكلمي عربي علشان الناس تفهمك وتحس بيكِ.”
وتابعت: “الموضوع بسيط، ليه بنعقّد الحياة على العمال؟ بتكلموهم إنجليزي وهم مش فاهمين، وغصب عنهم مش فاهمين، وأنا نفسي ساعات مش بفهمهم!”.
دعم جوري بكر للعمالة الشابة واحترام أماكن الظهور
وأشادت جوري بكر بالعمال الشباب في الساحل، قائلة: “الناس اللي شغالة هنا ناس محترمة جدًا، وبيشتغلوا علشان يوفروا مصاريف الجامعة أو يجهزوا للجواز، الناس دي بتتعب، وأنا بفرح لما اللي بيحبوني يكونوا الشيفات أو الجارسونات”.
وفي نهاية حديثها، وجّهت جوري بكر رسالة احترام للمظهر العام والسلوك في الأماكن العامة، قائلة: “مش علشان إحنا في الساحل لازم نتصرف تصرفات غريبة، ماينفعش أدخل عيادة ألاقي واحدة لابسة مايوه! يا جماعة لبس البحر مكانه البحر، راعوا الناس، فيه أهالي وكبار في السن”.
