بقلم: محمد عباس
انا تايه وبتعلق بقشاية
انا بحلم ونفسي تشوف الحلم ويايا
انا راضي ودون راضي اعيش حياتي ع الفاضي
انا قابل اكون ماضي وذكري تعيشها وتقاضي
انا تايه وعمري في يوم مااكون ايه
انا واقع بعيشه صراع مع نوايا
انا صرخة في وجه قانون صنع غابة
انا كلمة بقولها لربي كالعادة
انا بسمة لكل حزين صرخ ياما
انا ضحكة تشوفها في قصة وحكاية
انا همسة في ليل ونهار ملاه كابة
انا نفسي اصون عرضي واجيب حقي وبزيادة
يارب الكون وبلجا لك بكائي دموع وبشتاق لك
ترد الظلم عن مظلوم وتهدي العاصي والمحروم
تنجينا بكن فيكون وتملئ قلوبنا نور علي نور
انا تايه وقلبي حزين انا زارع زهور بساتين
وبرويها دموع وانين وبجني مرار من الحاقدين
انا بدعي لرب الكون اعيش مظلوم واموت مسكين
يارب اجعلني من الصابرين واكون في الجنة م الخالدين
واسجد سجدتين لله وابكي بكاء وبعده نجاه
بقلم محمد عباس
من ديوان سكة سفر
