جانى سألنى من سنه
صالح منصور
هى ايه العولمه
بصيت عليه
لسه صغير
بس ايه
عنده ضمير
قلت يا ابنى العولمه
نظام خطير
قاصد يحطم الفقير
وضيق العالم علينا
بقولة ايه
ان الكون قرية صغيرة
يخدوا منك
كل شئ
ويرجعوا لك
كل شئ
بس اشياءك رخيصه
وهم اشيائهم عزيزه
والحل يبقي فى القروض
والديون تبهدلك
وبعد العز
تبقى ذليل
وفي كل حاجه
تلاقيهم يتدخلوا
بص لي وقال لي
هى دى العولمه
وهى فيها الادويه
والاغذيه المسرطنه
والحريه والديمقراطيه
وقول كمان
حقوق الانسان
نشطاء وثوار
وبنى ادمين
بس حمير
وثورات عربية
ودموع صبيه
ابوها مات من ارهاب
وخطيبها شاب
ما بقاش شباب
من حبوب الهلوسه
قلت وانا باستعجبه
ما انت فاهم
يعنى ايه العولمه
طيب ليه تسألنى انا
ضحك بس بسخريه
قال لى يابا فوق
انت فاهم من زمان
بس ساكت يا جبان
ضاع اخويا
وضيعت انا
من سكوتك كم سنه
حطيت راسي في التراب
قلت يا ابنى عيب
كانت الكلمه ساعتها خراب
كانت الوقفه ثمنها رقاب
مين كان يوميها يخدمك
مين يشقى لاجل ياكلك
من يتحمل ذل لاجل
ساعتها شفت دموعه من الخجل
قال لى ياولدى سماح
باس دماغي باس اديا
وطى يبوس التراب
قلت له ليه العتاب
قال لى من كتر العذاب
ساب اديا
وفى ثوانى بقى سراب
لسه فاكر من سنه
لما قال لى يعنى ايه العولمه
صالح منصور
جانى سألنى من سنه
