كتب _ عبدالرحمن شاهين
الكثير منا يشتكى بتلف المساعدين فى وقت قصير سواء كانت المساعدين جديده او استيراد والسبب راجع الى عدة اسباب
1- التواء الشمعدان المربوط به المساعد مما يجعل المساعد لا يعمل فى حاله استقامه كامله
2- تركيب المساعد على سياره بها كوتش تالف مما يجعل المساعد فى حاله زبزبه مستمره
3- تركيب المساعد على شاسيه غير مظبوت
4- وهى الاهم راجع استهلاك المساعد الى قائد السياره فى اغلب الحالات وطريقه السير فى الطرق الوعره والمملوئه بالنقر مما يجعلك تأخذ المطب على سرعه عاليه فيضرب اولسيه المساعد ثم يخرج منه الزيت فلا يعمل المساعد بعد ذلك ولكننا لو مشينا فى الطرق الممهده طول الوقت فلا يتلف المساعد ابدا واذا مشينا فى الطرق الغير ممهده فعلينا السير ببطئ شديد جدا حتى لا نفاجئ بنقره او مطب تتلف المساعد فى الحال وبعد ذلك نقول ان المساعد لا يستمر فتره طويله فى السياره والسبب راجع لقيادتك انت والدليل على صحه حديثى ان المساعد ممكن ان يستمر فى السياره اكثر من خمس سنوات هو انى ابيع المساعدين الاستيراد وهى عمرها لا يقل عن ثلاثون عاما مثل السياره 132 فلقد انتهى التصنيع سنه 1982 اذن لو اعتبرنا ان المساعدين الاستيراد من سنه 82 سيذيد عمرها عن 29 عاما والسبب فى استمرار المساعدين هذه السنوات هى نظافه الشوارع والطرق الممهده وبالتالى لا يتلف المساعد ابدا .
عفشة ناعمة
عفشة ناشفة
كل شوية تلاقي ناس تقولك بلاش العربية دي عشان عفشتها ناشفة واللي يقولك أه خليك في العربية دي لأن عفشتها ناعمة وجميلة .. ثواني بس كدة هو يعني إيه عفشة ناشفة وعفشة ناعمة وإيه الفرق بينهم يعني ؟!
شوفوا بقي عشان تعرفوا إذا كانت العفشة دي ناشفة ولا ناعمة من كلام السوق وعلى بلاطه كدة تعالوا نعرف واحدة واحدة ؟!
أول حاجة فى الثبات يعني إيه في الثبات ؟! يعني إنك أول ما تفتح الباب وتقعد على الكرسى شوف لو العربية بترحب بيك وبنزولك على كرسى العربية هل العربية أمتصت وزنك وأحتوتك كدة بالراحة دي كدة تبقى عفشة ناعمة أما العكس لو نزلت على الكرسى حسيت إن العربية هبدت من وزنك وكأنها بتقولك أنت هتركب تانى ولقيت نزول العربية بوزنك مضغوط وعلى مرة واحدة يبقى دي كدة عفشة ناشفة.
تاني حاجة فى المشى والحركة يعني لو مع المطبات والنقر اللي بتبقي فى الارض حسيت بالعربية بتاكل الطريق ووزنها خفيف على الأسفلت ومش فارق معاها الكلام اللى فى الارض دي كدة تبقي عفشة ناعمة أما لو حسيت بدبدبة بتسمعها على صورة ذبذبات مكتومة فى أرجاء العربية زي ما يكون العربية ماشية تتأكد من كل زلطة على الارض وتطمن إنها داست عليها دي كدة تبقى عفشة ناشفة.
تالت حاجة علي السرعات العالية هتلاقي العفشة الخشنة اللى أنت مكنتش طايقها هى دى اللى هتعملك أفضل ثبات ومش هتخلي العربية تعوم منك أما العفشة الناعمة اللى أنت كنت مبسوط بيها جوه البلد هى دى اللى هتخلي العربية تعوم منك شوية علي السرعات العالية وهي هي اللي هتخليك تبقي قلقان وهتلاقي نفسك نزلت لـ 120 بعد ما كنت علي 180.
