كتبت: نجلاء فتحي

الاهتمام لايطلب ولا يصاغ
الاهتمام يمنح فقط بقدر المحبة….
بقدر الاشتياق في القلب..
هو صفة لايمكن لاحد أن يتصنعها….
الاهتمام لايكلف شيئا ولكنه يعني الكثير……
اطلب ماشئت الا الاهتمام ..
فإنه لايطلب ولا فقد قيمته ..
الأهتمام لا يطلب بل حبا يعطي
الاهتمام لايطلب بل يهدى ويقدم .
الاهتمام مطلب لا يطلب…
الست بتنطفي .. بتدبل .. دون اهتمام .تشوفها.. تقول عندها ١٠٠ سنة وهي في عز شبابها ..لو إنجرحت أو اتاذت نفسيا أو إتخانت من الشخص اللي هي مرتبطة بيه .. سواء جوزها خطيبها أو أيا كان

المعاملة الجافة أو إنك متديهاش إهتمام .. أو تبقى سلبي تجاهها أو متحسش بيها .. أو تفضل ناس عليها .. أو متعملهاش خاطر .. أو تكون أناني معاها .. أو متحسسهاش بحبك .. أو متبقاش ايجابي ناحيتها بافعال تحسسها بقيمتها وانوثتها .. كل ده بيخليها تضلم .. تطفي .. تبهت

الست عكس الراجل ميطفيهاش لا قلة فلوس ولا قلة شغل ولا غيره .. كل دي بالنسبالها أزمات وهتعدي .. االلي بيخليها تدبل بجد قلة الحب .. الخيانة .. ان مشاعرها تستهلك وتستنزف .. انها تحس انها في حياة اللي بتحبه صفر على الشمال

الست بتتغذى على الحنية والإهتمام .. وطول ما انت مهتم بيها بجد وبتحبها هتعدي معاك ازمات الدنيا من غير ايديها ما تفلت أبدا

وطول ما أنت جنبها سندها وضهرها وأمانها .. طول ما إنت صاحبها قبل ما تكون جوزها .. هتستحمل وكأنها جبل .. لو هتاكل كل يوم معاك جبنة وعيش فوق حصيرة على الأرض .. هتستحمل وهتبقى مبسوطة وفرحانة انك جنبها وبس ..وهتقولك بقلب جامد أنا والله ما عاوزة غيرك لا فلوس ولا عربيات ولا أي حاجة أنا عاوزاك إنت وبس وهي راضية ومبسوطة….

أما لو بتكذب عليها أو مش مهتم بيها أو مش فارقة معاك والله لو أكلتها كل يوم كباب ما هتعيش يوم راضية عنك .. أصل الست الأصيلة ميهزهاش الفلوس ولا غيره .. الست الأصيلة مش عاوزة غير سند .. غير حضن حنين يساعها .. وبكده تبقى كأنها ملكت الدنيا كلها