كتبت ليلى رزق
ازاي
ازاي عيونك نسيتني
وهي من دنيتي خدتني
نسيت جناني وطيبتي
هانت عليك حكايتنا
هانت عليك فرحتنا
ازاي هونت عليك
وانا كنت ملك ايديك
قلبي بيسألني فين حبيبي
يا قلبي حبيبك ناسي
ناسي الليل اللي سهرناه
ناسي سنين حبى وهواه
اقولك يا قلبي
يمكن في يوم تلقاه
صدفه في مكان ما
بس ياترى مين هيكون معاه
حب جديد ..
ولا ناس جمعها القدر ويّاه
يا قلبي خلاص أنساه
او عيش على ذكراه
ولو في يوم بكيت
افتكر كلمه حلوة وابتسم
افتكر غنوة بصوته
والفرحة هتترسم
افتكر حلمنا اللي حققناه
افتكر وعده عن النسيان
افتكر .. هو أنا ناسي
فى قلب ينسى حبه
ينسي أحلام عمره
ينسى فرحته وياه
ينسى الحب وجماله معاه
ده حبيبي وازاي أنساه
ازاي
