أماني أبو عيسى
عادت ريم طارق طليقة مؤدي المهرجانات حسن شاكوش لإثارة الجدل من جديد بعد حديثها عن ما تعرضت له مع طليقها.
وقالت ريم طارق خلال استضافتها مع الإعلامية بسمة وهبة في برنامج 90 دقيقة: “أنا عملت فيديو اتكلمت فيه عن الصلح لأنه كان مشروط عليا ضمن الاتفاق، وكان لازم أعمله قبل ما أدخل البيت بساعتين، أهل الخير اتدخلوا من شهر، بعد ما عملت كل حاجة علشان اخد هدومي وحاجتي الشخصية وحقوقي القانونية ومعرفتش، وبابا طلب إن حسن يعمل فيديو يعتذر فيه بعد ما سيرتي بقت على كل لسان”.
وتابعت: “الاتفاق كان أحصل على مؤخر 300 ألف جنيه، والقائمة وفيها غرف بـ 200 ألف جنيه، و100 ألف جنيه قيمة الذهب، وإنه يعتذر في فيديو، وفضلنا في مهاترات لمدة شهر، وكل مرة يقول أنا في حفلة في الساحل ومش فاضي”.
وأضافت: “ومكنش عاوز أعمل الفيديو عشان يوقعني في مشكلات مع أهل الخير ويوقعني في الغلط وعملت الفيديو وعملت الفيديو عشان أنا إنسانة كويسه وقلت إنه محترم رغم إني كنت ممكن أظهر بالأدلة اللي معايا ضده، وكنت أتمنى أن أحصل على ملابس، حاجتي غالية عندي، وللأسف لقيت بنات لبست لبسي في أوضة النوم واتصوروا لي واتبعتت لي الصور ومعايا على الموبايل، لبسوا قمصان نومي”.
واستكملت: “فيها إيه لما أطالب بحقوقي انا مش واحدة من الشارع، هذه حقوقي وهذه ملابسي التي لم أحصل عليها”.
