قلبى دق

قلبى دق
بقلم: صالح منصور

قلبي دق سريع
شويه وبعدين سكت
قلت يبقي نام
رد عليا بسخريه
هو اللى يشوفها
بعيونك يعرف ينام
قلت هو ذنبى
انى عاشق للجمال
قال لى كل مرة
كنت بسرعه تفوق
قبل ما غرامها يسكنك
ويفلت زمامك وغرامها يكعبلك
قلت له انت الملوم
كل ما ابعد انت ترجع بالظنون
قلتلى الف مرة انها بتحبنى
وبالسعادة كام مرة وعدتنى
ومع القمر كام ليل سهرتنى
كنت اول ما اجى انام
تظهر صورتها فى الخيال
ونبى معها فى الاحلام
قاللي اوع تنكر كنت سعيد
كل يوم كنت تشوفها يبقي عيد
فاكر كمان لمسة ايديها
واللا اللمعه اللي في عينيها
قلت له كل دة معك تمام
بس قمة الالام
لما تفوق من الاحلام
وتسيب ايديك ايديها
والدموع تملأ عنيها
وحنا بنقول الوداع
وان الحلم الحلو ضاع
قاللي قلبي
اه كل شئ حلو ضاع
صالح منصور