وداعا يا صقر!
بقلم الكاتب: محمد عباس_ الاسماعيليه
كان اخر كلامه معايا
تعالي افطر يوم ويايا
قالي هات معاك حبيبه
اعز ابنة ولك قريبه
قلت له عفوا حبيبي
هجي وحدي مش بايدي
وحدي ده قدري ونصيبي
وزي اي اتنين حبايب
مرة حاضر مرة غايب
مرة جوه القلب دايب
زي اي اتنين قرايب
حبيبي وكل عمري
اد الناس كلها
بشوفك بنسي نفسي
ودي حاجة بحبها
حبيبي يانبض قلبي
في الجنة وامنها
سلمت هواك وامرك
من الدنيا كلها
عاش مابنا اخ اكبر
اب قائد جوه عيلة
كل واحد جنبه اسرة
زهر يانع في الجنينه
صف واحد في المسيرة
نور يلالي صوت وزينه
كله يتعلم وينصت
جوا سهرة واحلي ليلة
كنا نفرح جوه بيته
كنا نسمع جوه صوته
لحن حبه للوطن و للحنين
رمز وافي للناي الحزين
في عنيه الطيبين السهرانين
وطنه هو كل زاده
في ايدين اشرار طماعين
بين سلاح القتلة الغدارين
متولدشي مصري واحد
يرضي وطنه يبات حزين
مين عليه الدور قولولي
مين مقامه دور بطولي
النهاردة صقر شادي
كان مابنا رمز فادي
زي اي اتنين حبايب
مرة شدة مرة حدة
كان حقيقي اخ بار
كنا نتناقش نعاتب
بالمودة صار حوار
زي اي اتنين شقايق
مرة ثائر مرة حائر
زي اي اتنين كبار
كنا نصفي لو نهادي
جوه مسرح جوه نادي
بالحوار والصقر شادي
جوه قصر وكان قرار
واللي يغلط امر عادي
واللي يمدح في الجوار
والمحاسن والمدامع
والاغاني في انتصار
والجدال وألحب بادي
و الحديث نشوي وهزار
والسكوت كان امر هادي
مش تعارك بين صغار
كنا نضحك في وقار
قلنا شعر قلنا قصه
كل هفوة في اندثار
دقنا طعم الانتظار
لما يجي دورك احكي
كل راي في انبهار
بالاصول والفن سار
اوعي تنسي اغلي دار
شوفنا فيه الانتصار
قلب اخ وأب بار
صقرضحي في وقار
والنهاردة الكل خارج
لاجل يودع ابن بار
والامانة بسرعة تجري
والجميع شاهد وزار
موكب الصقر البطولي
واللقب مرحوم وبار
