كشف الكاتب الصحفي مجدي الجلاد، عن مؤامرة أخلاقية كانت تُدبر له في عام 2009.
وقال الجلاد خلال لقائه ببرنامج «أسرار»، المذاع على قناة النهار: «جاءني اتصال مرات متعددة وبإلحاح، وبعدها رسالة مفادها بأن هناك فتاة والدتها تحتاج إلى المساعدة».
وأضاف: «رديت على البنت وقلت لها تحت أمرك ابعتي لي أوراق والدتك، فقالت لي إن المشكلة كبيرة وعايزة أقابل حضرتك».
وتابع: «شرفتني في المكتب، والأمر بدأ منذ اللحظة الأولى إن في حاجة مش طبيعية، من طريقة كلامها ولبسها، أنا ساعتها شكيت».
وواصل: «اللي وقفني في الموضوع إن في نقطة غير منطقية في مشكلة والدتها اللي بتحكيها، قلت في حاجة مش فاهمها وهي حاولت تجيبها كده وكده، وبعدين فجأة طلبت الاستئذان».
وأكمل: «قالت لي ممكن تنساني وتنسى كل الكلام اللي حصل بينا، أنا لاقيتك شخص كويس جدًا وبتتكلم معايا بشكل إنساني وعايز تساعد جدًا، وأنا جايالك مزقوقة من حد، وحلفت على المصحف إنها متقدرش تقول اسم الشخص ده».
