في ناس تحبك
بقلم الكاتب: محمد عباس_ الاسماعيليه
طول مافي ناس تحبك
ويوماتي تطلب ودك
وبين الناس مطلوب
دعوة تفرح قلبك
ومعاها كام مكتوب
مع فرحة صادقه لأنك
اخ وكريم محبوب
ربي يزيدك الفة
عايش مابين القلوب
راضي بسيط موهوب
فرحان سعيد مسرور
وكل عام منصور
تكتب دوا في سطور
كروان بصوت عصفور
ما بين الناس مستور
طاقة وروح من نور
بكرة هيجي الدور
علي الصبايا الحور
تنظر بحور وسحور
اجمل بريق وعطور
بص في عيون الناس
هتلاقي روح وحماس
مابين كتير وكتير
وشوش كاسيها ازاز
ومين دعيته مجاش
ومين يقول ببلاش
شعور بدون احساس
ومين وبيك من غيرك
اصل المحبه اساس
ورغم اي ظروف
اصل الاصيل ينباس
دنيا وخير اوشر
وفيها برد وحر
مهما تفرق كاس
هتلاقي ناس بتضر
رغم ان فيه افلاس
واقع بدون احساس
شاربين بايدنا تناس
وناس ساترها هدوم
وناس كاسيها قماش
وناس كتير تنباس
وفيها ناس تنداس
وكتير تلاقي عيون
مليانه شوق وشجون
وناس اسرها جنون
بتنادي علي الاخلاص
كتير كلامه حنون
ينشد امال وفنون
يهمس تقول مسجون
ساحر بروح مفتون
شاكر وكله ظنون
ومعدشي فيه انعاش
عفو الكريم منان
راضي وفقير عدمان
عمره مافكر يوم
بكره هيكسب كام
عايش كما الرهبان
عايش زهيد عسران
شكرا ياكل الناس
فاكرين وبس تماس
ناسين تاريخ حساس
في ثانية بس خلاص
وبينسوا كل حماس
وبكلمة زي الفاس
تضيع كتير انفاس
ياخسارة علي انسان
زرع طريق هلاس
قام نادي علي اوباش
لاذكري ولا احساس.
